1. Sa nou kolekte
Lè ou itilize Hoïs Inivèsite, nou kolekte 3 kategori enfòmasyon:
- Done idantite: non, imèl, telefòn, dat nesans, vil sa w ba nou nan moman ou enskri oswa nan paj paramèt ou.
- Done sante: kondisyon medikal, mezi sik, tansyon, pwa, alèji, medikaman sèlman sa ou chwazi pou pataje avè n.
- Done teknik: adrès IP, kalite navigatè, paj ou vizite yon ti kantite enfòmasyon ki ede nou bay yon eksperyans pi bon.
Ou pa ka itilize sèvis la san done idantite (paske n bezwen konekte w ak kont ou); men tout lòt done yo se selon chwa w.
2. Kòman nou itilize done yo
Nou itilize done w yo pou:
- Bay sèvis natiropatik la (konsiltasyon, tretman, gid)
- Pèsonalize rekòmandasyon plant ak konsèy sou kondisyon ou
- Voye yon notifikasyon ki enpòtan: mizajou abònman, kont, sipò
- Amelyore platfòm nan (analiz anonim)
- Reponn demann sipò ou voye nou
Sa nou pa fè: Nou pa itilize done w yo pou fè reklam, vann yo ak lòt antite, oswa antrene modèl entèlijans atifisyèl piblik.
3. Avèk ki moun nou pataje
Nou pa janm vann done w. Men gen kèk patnè teknik nou itilize pou platfòm la mache:
- Supabase sèvè baz done nou. Tout done rete an Etazini sou enfrastrikti yo.
- Vercel sèvè ki sèvi paj yo. Pa kenbe okenn done pèsonèl.
- Stripe pou peman (lè li aktive). Yo pwosesè kat kredi a; nou pa janm wè nimewo kat ou.
- Sètifikasyon legal: Si yon otorite legal Ayisyen oswa entènasyonal mande nou ak yon manda valid nou ka oblije bay enfòmasyon. Sa pap janm fèt anba bòl.
4. Kote ak konbyen tan
Done yo estoke nan baz done Supabase ki nan rejyon US-West (Etazini). Tout koneksyon ant navigatè w ak baz la kript ak TLS.
Kantite tan nou kenbe done yo:
- Kont aktif: tan ki abònman an aktif.
- Apre anile: 90 jou pou pèmèt restorasyon, apre sa li efase otomatikman.
- Done finansye (resi): 7 ane (obligasyon konptab).
5. Sekirite
Nou pran sekirite done w yo trè o serye. Mesi pratik nou aplike yo enkli:
- Modpas kript ak bcrypt nou pa janm ka li yo
- Done sansib (medikal) ak Row-Level Security (RLS) Postgres
- Sesyon ki ekspire otomatikman
- Done finansye pase atravè Stripe pa janm sou sèvè nou
- Bakap chak jou nan repèjyon jeografik diferan
Si w sispèk yon vyolasyon sekirite sou kont ou, kontakte nou san pèdi tan nan Contact@hoismedikaplant.com.
6. Dwa ou genyen
Ou genyen 5 dwa fondamantal sou done w yo:
- Aksè: wè tout done nou genyen sou ou.
- Korije: chanje sa ki pa kòrèk nan paramèt kont ou.
- Efase: mande siprime tout done w yo (yon ekstre kont).
- Ekspòte: resevwa yon kopi nan fòma PDF.
- Refize: Ou ka dezabòne nan kominikasyon pwomosyonèl nou yo nenpòt lè san sa pa afekte aksè ou ak sèvis ou yo.
Pou egzèse nenpòt nan dwa sa yo, ale nan paramèt kont ou oswa voye yon mesaj nan paj kontak la.
8. Timoun
Hoïs Inivèsite a fèt pou moun (18+ ane). Si w gen mwens ke 18 ane, ou bezwen pèmisyon paran oswa moun ki responsab ou pou itilize sèvis la.
Si nou aprann nou kolekte done yon timoun ki gen mwens ke 16 ane san pèmisyon, n ap efase tout otomatikman.
9. Chanjman politik la
Nou ka mete politik sa ajou tan pou tan sitou lè nou ajoute nouvo fonksyonalite oswa lè lwa yo chanje. Lè sa, n ap:
- Voye yon imèl ba ou ak chanjman ki enpòtan yo
- Mete dat "dènye mizajou" anwo paj sa
- Si nou fè yon chanjman enpòtan nan Politik Konfidansyalite a, n ap fè w konnen epi, si sa nesesè, n ap mande konsantman w ankò anvan chanjman yo aplike.
Si w pa dakò ak yon chanjman, ou ka anile abònman ou nenpòt lè epi efase tout done w yo.
10. Kontak konfidansyalite
Si w gen kesyon sou politik sa yo oswa sou fason nou itilize done w, kontakte nou:
- Imèl: COntact@hoismedikaplant.com
- Fòm kontak: hoismedikaplant.com/kontak — chwazi sijè "Sipò manm"
- Adrès postal:1823 S. DIXIE HIGHWAY POMPANO BEACH, FL 33060
Nou angaje pou reponn nenpòt demann konfidansyalite nan mwens ke 7 jou ouvrab.